اقدر أرسمكْ
وارسم الاصبع على خدودك
اقدر أغنيك مثل قلبي اللي سجع
اقدر ارسم شوقي
وانثره مثل غيمة بحر
تقطر ندى
ترسمكْ عطر(ن) طلعْ
اقدر اثني
وتعذبيني
واستثني
واعذبكْ
وانتي ولعْ
اقدر امشط رمل الجسد فيك
وادغدغ أحلامكْ،
مثل الينابيع، تورق ثمرْ
ويشتعل فيك الدلعْ
يا بنت أنا غيمه
وانتي شجرْ
أنا المطر
وانتي مدرْ
أنا الضباب
اللي يدسك عن الناس
يسقي ظماك
ويمنحك كل الندى
ويصب ايامك ودعْ
يا بنت أنا حبيت
لا قيس يمشي في طريقي
ولا المجنون
والله تراني أنا حنيت
هيا اكتبي
وارسلي
لا تجعليني في كتاب العشق
ممن من الحب انصرعْ
با بنت أنا اقدر
أسافر واطير
وابذرك مثل الحمام اللي يناغي
صبح ومسا
يقوي إحساسه في حياته
وكل لحظة يطفي ولع
.
.
ليست هناك تعليقات:
إرسال تعليق
أهلا وسهلاً..سأحتفي برأيك